قصة جبروت حماتي كامله

داخله وقولت ليها
اسما_ اه يا بطني مش قادره يا ملك بالله عليك تعمليلي حاجه دافيه اشربها حاسه ان بطني ۏجعاني شويه
ملك _ يا خبر ابيض الف سلامه عليكي يعني كده مش هتقدري تيجي معانا تفرشي شقه النهارده مش مهم هنروح نرص الدولاب بس ونرص الحاجات وانتي ابقي تعالي في الاساسيات
اسما_ ايه هو انتم ناويين تروحوا من غيري ولا ايه لا طبعا ما ينفعش اجلوها لبكره اكون بقيت كويسه
وبعدها رنيم دخلت وقالت
رنيم _هو انتي مكسوفه اني تقولي ان البيه مش عايزنا نروح النهارده تعب ايه يا ام تعب اللي بتتكلمي فيه ده انا عارفاك ده انت لو جرى ليكي ايه هتروحي عشان تخلصي الشقه
اسما_ هو انتي ليه عامله معايا كده حرام عليكي ده انا اختك برده انا اللي تعبانه هو ملوش ذنب ده زعل جدا لما عرف ان انا مش هروح افرش الشقه
رنيم _ على العموم ريحي يا حبيبتي ولو عوزتي اي حاجه انادي علينا يلا بينا يا ملك
وتاني يوم روحنا انا وماما وإخواتي ولقيت
حماتي في شقتي
اسما_ ايه ده هو انتي هنا يا ماما ده احنا عمالين نخبط عليكي تحت مش بتفتحي
الحما _اه هنا يا حبيبتي تعالوا وبعدها دخلنا ولقينا كل حاجه مرصوصه وماما قالت
الام _ ايه ده يا حاجه سنيه هو انتي فرشتي الشقه ولا ايه مش المفروض كنتي تستنيني عشان نيجي نفرشها
سنيه _ ده مش انا يا حبيبتي ده احمد واصحابه طلعوا سهرو فيها بالليل بس فاضل الدولاب مينفعش طبعا كان يشوف هدوم العروسه ادخلوا بقى رصوهم احنا عارفين يا حبيبتي ان انتم وراكم شغل كتير اليومين دول فقلنا نشيل من عليكم
رنيم _ لا والله ده احنا اول مره نشوفها دي ان اصحاب العريس هما اللي بيفرشوا الشقه بقولك ايه يا ماما ما يالله بينا احنا بقى نمشي
وإنا قربت منها وقولت
اسما_رايحه فين يا رنيم مش سمعتي حماتي بتقول ان الدولاب لسه ما اتفرش اقعدي افرشي معايا لو سمحت
ملك _ معلش بقى يا اسما انا راي حماتك ورانا شغل كتير في بيت ماما ابقى اقعدي انت افرشيه ودي حاجه بسيطه يعني مش هتستاهل ان احنا كلنا نقعد نعملها يلا بينا يا ماما وفعلا مشيوا
الحما _ معقول دول اخواتك دول ازاي يسيبوكي كده في يوم زي ده ويمشوا يعني
اسما_ انا مش فاهمه ليه بس يا حماتي احمد عمل كده ما هو عارف ان انا جايه وهفرش في شقه النهارده انا واخواتي
الحما _ والله يا بنتي ما كانت مقصوده ده هما يا دوبك كانوا بينزلوا ليا التلاجه بتاعتكم وبيطلعوا ليكي التلاجه بتاعتي لقوا شقه كده قالوا يفرشوها بالمره
اسما_ بينزلوا ثلاجتي ليه تحت يا حماتي انا مش فاهمه كلامك
الحما _ انتي يا حبيبتي هتعيشي عندي تحت مش هتطلعي شقتك دي الا على النوم كده كده اصلا ولا هتطبخي ولا هتشيلي اكل في الثلاجه عايزه ثلاجه ليه بقى
اسما_ بس لو اخواتي جم وشافوا الحاجات دي هيتكلموا يا حماتي كنتي على الاقل صبرتي لحد ما اتجوزنا
الحما_ حبيبتي انتي هتفرشي الدولاب ومحدش هيدخل الشقه دي تاني الا يوم دخلتك انا اضمن منين حد يرمي حاجه لابني كده ولا كده انا بخاف على ابني قوي
اسما_ اللي تشوفيه حماتي انا هعمله حاضر انا اخش افرش الدولاب بقى واخلصه
وبعدها روحت ولقيت إخواتي قاعدين
قدام التلفزيون
رنيم _ ههههه والله الفيلم ده حلو اوي
مهما اتفرجت عليه مش بزهق منه
اسما_ والله العظيم انتوا
الاتنين