قصة جبروت حماتي كامله

قدامك وبعدها طلعت ما انتي شوفتيني
الحما _ ما هو انتي اكيد اتصلتي بيهم في التليفون وقوتلهم ينزلوا يحضروا العزاء ده انتي يا بنت طلعت ميه من تحت التب
احمد _ خلاص بقى يا ماما مش وقته سيبيها بالظروف اللي هي فيها بعدين نبقى نتكلم بس برده سعد غلطان ينزل العزاء ليه هو ليه فيه اصلا
الحما _ المهم ابقي اتصل وحاول ترضي اختك
لاحسن نزلتها من عندي زعلانه
احمد _عيني يا ماما هعملك ان انت عايزاه روقي بالك بقى مبحبش اشوفك متضايقه والله
الحما _ استغفر الله العظيم اللهم طولك يا روحي يا بنتي احنا ما بنحبش نزعلك والله وربنا يعلم اني بحبك زيك زي بناتي
اسما_ شكرا ليكي بعد اذنك يا حماتي علشان عايزه اخش اريح شويه
الحما _ ادخل ورا مراتك وصالحها ما تسيبهاش تنام زعلانه برده ربنا يصبر قلبها ده كله الا الام
احمد _ انا يا ماما اللي تؤمري بيه حاضر هيحصل
الحما _ وكفايه اسود على كده بقى تقلع الاسود من النهارده
احمد _ والله من غير ما تقولي انا اصلا بكره اللون ده لون مستفز كده وبعدها نزلت
وكانت مريم وافقه علي السلم
وبعدها دخلت الشقه
مريم _ واضح يا ماما اني جبت حقك منها ايه طريقه الكلام اللي انتي اتكلمت بيها دي ده ياريتك ما طلعتي يا شيخه
الحما _ يا بنت اصبري بكره تشوفي انا هعمل ايه بس ما ينفعش كده رخي شويه وشدي شويه
مريم _ الله عليكي يا ماما يا جامده انا همشي بقى عشان خاطر اتاخرت على البيت
وبعدها مريم روحت وولعت النور ولقت جوزها
يوسف قاعد
مريم _ بسم الله الرحمن الرحيم انت مالك يا راجل قاعد في الضلمه ليه كده
يوسف _ لو انت صادقه انا كنت نايم اصلا مكنتش قاعد ممكن اعرف بقى الهانم اتاخرت بره ليه
مريم_مالك في ايه ده هو حته يوم اللي بروح فيه عند امي هتبصلي فيه كمان وبعدين هو انت ما بتروح عند امك انا بقولك حاجه
يوسف _ بصراحه يا مريم انا ما برتاحش لامك دي وحاسس ان هيحصل مشاكل كثير بيني وبينك بسببها
مريم _ طلع امي من دماغك يا يوسف انت سامع ولا لا امي يا اخويا مش بتاعه مشاكل ولا كلام فاضي
يوسف _ انا عارف ان الكلام معاكي ولا هيودي ولا هيجيب انا قايم انام احسن
مريم _ اسكت مش تقعد اقولك على اللي حصل وبعدها قالتله على كل حاجه
يوسف _ هو انتي بتتكلمي بجد انت عندك قلب علشان تعملي كده تخسري اختك عشان موضوع زي ده ازاي واصلا ازاي اخوكي ما يروحش عزاء حماته
مريم _ ما هو انت كنت عارف يا حبيبي ان هي مطلعه عينه بعدين وانت مالك اصلا بالحوار ده هو انت تعمل زي الهانم شروق وجوزها
يوسف _ صح حاجه غريبه ازاي يبقى عندنا قلب ازاي نحس بالناس ده انتي ومامتك مش عارف عايشين في الدنيا دي ازاي
مريم _ اعمل حسابك يا يوسف لو اتكلمت تاني على ماما بالطريقه اللي انت بتتكلم بها دي انا همشي وهسيبلك البيت
يوسف _ براحتك يا مريم هو انتي فاكره اني هبقى عليكي زي زمان انا كل يوم بكتشف فيكي حاجات ما ينفعش اعشرك بسببها
وبعدها سابها ودخل الاوضه
مريم _ بقى انت بتعمل معايا انا كده والله لاوريك يا يوسف انا هعمل فيك ايه 
وتاني يوم نزلت عند حماتي. كنت لابسه الوان
الحما _الله اكبر عليكي يا مرات ابني
زي القمر شفتي يا بنت الالوان حلوه