قصة حماتي كامله

زي القمر ولو كانت في عندها تشوهات في جسمها ولا حاجة ممكن نعديها بس المهم اني اخد لاخوك دي ابوها هيسبلها ورث شئ وشويات وانا بصراحة مش عايزة العز اللي عند ابوها ده يروح من ايدينا
فارس 
بس برضو انا بقول تاخدي رأي كريم يمكن ميوافقش
وعلا مرات فارس كانت واقفة جوه وسامعة كل الحوار ودخلت المطبخ لمها سلفتها وقالتلها
علا 
الحقي يابت يا مها قال ايه حماتك جايبة عروسه لكريم ابنها انا لسه سمعاها بتقول لفارس جوزى انهم هيروحو النهارده يخطبوها
مها بشهقة 
انتي بتتكلمي بجد يا علا ودي مين العروسه بقا
علا 

البت اللي اسمها سارة بنت عاصم وحنان اللي بيتهم في أول الشارع
مها 
بس انا اسمع ان البت مشوهه هو كريم هيرضي بيها اصلا
علا 
وهو كريم بيقول لامه لا ولا اي واحد من رجالتنا بيقول لها لا مانتي عارفاها
مها 
والله عال ياحماتي بقا بترفضي اختي القمر وعايزة تجوزي ابنك للمشوهه دنا قولت لكرم يقولها اني اختي موجوده لكريم ورفضت بنت الهرمة
علا 
اه ماهي بتقول لفارس دي مشوهه مش مهم بس ابوها عنده فلوس بالهبل وكله هيبقا ليها ولينا بعد ابوها مايروح بقولك ايه انا مقولتش حاجة لما اروح اشوف جوزى أصله بينادي عليا
مها 
روحي ياختي ماشي ياحماتي لما اشوف اخرتها معاكي وفي شقتنا كنت قاعده مع بابا وبعدها قولت
سارة 
انا مش عايزة اتجوز يابابا
عاصم 
افهمي بس ياسارة انا عايز انا ومامتك نتطمن عليكي ياحبيبتي افرضي روحنا وانتي فضلتي لوحدك هتعملي ايه في الدنيا دي من بعدنا
سارة 
بعد الشړ عليكم يابابا ربنا يخليكم ليا بس انا مش عايزة اتجوز عشان مفيش واحد هيقبلني وحضرتك عارف ليه
عاصم 
انا مش عارف انتي عاملة في نفسك كده وبعدين دي حاجه بسيطه خالص ياسارة انتي متعقده منها ليه بس
سارة 
معلش يابابا انا مش عايزة انا كده كويسه من غير واحد مايجي يهيني او يقولي كلمة تجرحني
عاصم 
طيب بس اسمعي ياحبيبت بابا 
وهنا دخلت ماما وقالت
الام 
بصي ياسارة انتي هتوافقي على كريم يعني هتوافقي عليه ومش عايزة كلمة تانيه كفايه كل ماحد يجيلك ترفضية خلاص بقا انا زهقت
سارة بټعيط 
بقا كده يا ماما زهقتي مني ومش عايزاني
عاصم 
ماما متقصدش ياسارة
حنان 
على فكره انا قصدي يعنى زهقت من رفضك للعرسان ياسارة انما انا عمري مازهق منك دانتي بنتي حبيبتى وربنا يهديكي بقا وتوافقي ده الواد حليوه واي واحده هتحسدك عليه
وجه الليل ولقيت ام فارس جايه عندنا هي وابنها فارس الكبير وكريم العريس وبابا قالهم
الاب 
اهلا وسهلا بيكم نورتونا ياجماعه والله
فارس 
ده نورك يا استاذ عاصم
زينب 
طبعا يا استاذ عاصم انت عارف احنا جايين ليه اظن نتكلم في كل حاجة
عاصم 
ايوه ياست ام فارس ام سارة قالتلي كل حاجة وانت بقا ياكريم يابني اتقبلت في الشركة اللي كنت مقدم فيها دي
وقبل كريم ميقول حاجة امه ردت وقالت
الام 
امال ايه يا استاذ عاصم ده ابني كريم