قصة ياسمين كامله

لعبه قدامكم
اسر انا مش فاهم حاجه يا ياسمين هو في اي
ياسمين بجديه انا هقولك في اي يا استاذ اسر بس قبل ما اقول اتصل على بابا واحمد وهاتهم عايزاهم
اسر حاضر
سليمان ما تفهمينا يبنتي اي اللي حصل
ياسمين بسخريه مع انك فاهم كل حاجه بس انا هعمل اللي عليا وافهمك بس لما اخويا وبابا يجوا
بالفعل اسر كلم هاني واحمد وبعد ساعه كانوا وصلوا
هاني بيجري ع بنت مالك يقلب بابا حد عملك حاجه حد ضايقك
ياسمين بدموع اه اقولك مين اذاني.. انت.. انت يا بابا.. بتلعب بيا يا بابا وانت يا استاذ احمد بتلعب بأختك عادي كده للدرجادي انا تقيله عليكوا عشان تبيعوني بسهوله ورخص كده
احمد وهاني بصوا لبعض بتوتر واحمد قال نبيعك اي بس يا ياسمين ما تفهمينا في اي براحه
ياسمين افهمك ومالو.. فاكر يا احمد لما عمو سليمان جيه عندنا وطلب ايدي لابنه بحجة انه تعبان وعايز حد يرعاه
احمد ايوه فاكر
ياسمين وطبعا فاكر اتفاقك مع اسر او بمعنى اصح الاشتغاله اللي عملتوها عليا بتتفق مع اسر انك تجوزني ليه عشان هو بيحبني طب وانا يا احمد.. هنا ياسمين اڼهارت.. وانا اي معنديش قلب مثلا مينفعش احبه زي ما حبني هو عشان بيحبني هبقا انا كده عايشه معاه مرتاحه بالعكس يا احمد انا اول ما عرفت اللي انت عملته انت وبابا فيا انا حسيت ان روحي طلعت.. عمري ما كنت اتوقع انك ممكن تتخلص من اختك بالطريقه دي لو انا تقيله عليكوا قولولي مش تجوزوني لواحد غني وتاخدوا فلوس وتعملوا اشتغاله عليا
احمد اهدي بس يا ياسمين وانا هفهمك كل حاجه والله انتي فاهمه غلط
ياسمين بصړاخ وعياط افهممم اييييه حرام عليك بقا بتعملوا فيا كده ليييهه
اسر انا كنت هفهمك كل حاجه والله يا ياسمين انا بس بحبك وعارف ان مهما حصل مش هتقبلي تتجوزيني للسبب ده عشان انتي بتحبي اخوكي و والدك وعايزه تعيشي معاهم بس برضو عارف انك ممكن تضحي بحياتك حتى عشان تخلي شخص مبسوط وانا معاكي ببقا اسعد انسان في الدنيا حتى لو بتعامل معاكي بعقل طفل كفايه اني شايفك قدامي وانك بقيتي ملكي
ياسمين بسخريه هو ده اللي انت عايزه يا اسر ان كل حاجه تبقا ملكك ومتبقاش ملكك ليه ما انت اسر سليمان رجل اعمال كبير ومشهور ومينفعش بنت ترفضك.. انا اه ممكن اضحي بحياتي عشان اخلي شخص مبسوط بس لو كان الشخص ده محتاجلي بجد لكن انت مش محتاجلي يا اسر انت محتاج تثبت للناس ان طالما عينك جت على حاجه وعجبتك يبقا لازم تبقا ملكك.. اقولك انت محتاج اي بجد يا اسر.. انت محتاج تتعالج من اللي انت فيه.. ياسمين سابته وطلعت اوضتها وقفلت الباب واترمت على السرير