قصة جميله كامله

لسه ملبتسش ولا اتحركت من مكانى ..
_ انتى لسه ملبستيش المأذون بره .
_ انتى مفكرتى انى بالسهولة دى هرجع لك لا يا جاسر بعد اللى عملته ده مستحيل ارجع لك ..
لقيته ضغط على عينه وانا عارفة حركة جاسر دى بيكون متعصب وصابر... ومن جواه عايز ېقتل الشخص اللى قدامى يعنى هيكون حب طفوله واربع سنين جواز من غير ما عرف عنه حاجة ..
_ جميلة البسى احسن لك والا عادى جدا اخدك بهدومك دى وهنكتب الكتاب بردو مش هاممنى .. هتلبسى ولا هتجوزى بفستانك ده .
تمالكت اعصابى عشان انا حاسة انى شبه اللى ماشى فى زفة مش عارف مين العريس ولا العروسة

عادت بتحصل سابنى ولبست الفستان ڠصب عنى بس مش عارفة ليه كنت مبسوطة لانى حاسه ان هو مازال بيحبنى تقريبا والله اعلم ... اخدنى ونزلت وانا مش طايقة نفسى حاسة انى غبية مش عارفة ليه المهم المأذون كان قاعد هو واتنين معرفهمش وانا وجاسر .... بدأوا فى كتب الكتاب وبعدها 
_ موافقة يا عروسة
_ لا مش موافقة
لقيت جاسر بصلى وبعدها شدني فى أوضة من الاوض ..
_ جميلة من الافضل ليكى انك توافقى .
_ شوف بقى يا جاسر لو اتهدت السما على الأرض مش هوافق مش انا اللى تغصبها على حاجة وانا ماشية وعايزة اشوفك توقفنى 
بعدها مشيت من قدامه وهو محاولش يوقفنى غير لما وقفت على باب الشقة ..
_ جميلة استنى عايزة تعرفى انا طلقتك ليه.
لفيت وبصيت له ...
_ طلقتك عشانك وانا شايف لمعة عنيكي على الطفل اللى كان هييجى وكنت فى الاول خاېف من ممكن طفل يطلع بأعاقة بس هو حصل شفت انهيارك وحزنك محبتش ده يحصل تانى يا جميلة واشوف الحزن فى عنيكى .
_ هو ده سبب انك طلقتنى يا جاسر .
_ ااه يا جميلة ولما شوفتك وافقتى على جمال ده مقدرتش افضل واقف بتفرج.
_ انت كنت تقدر وتاخد رأيي احنا كنا تقدر نعدى المحڼة دي مع بعض يا جاسر بس انت قررت لوحدك قررت ان كل واحد يكمل لوحده وانا اسفة يا استاذ جاسر انا مش هكمل .
بعدها لفيت عشان امشى ..
_ انا عمرى ما هجوزك ڠصب يا جميلة بس اعطينى فرصة .
لفيت له بدموع...
_ وبالنسبة لجمال 
_ هو مهم اووى عندك ..
_ حتى هو كان متقدم لى قبل الجواز ومستسلمش واتقدم لى بعد ما طلقتنى انت اللى اعطيت له الفرصة دى يا جاسر واللى يتخلى عنى مرة يتخلى عنى مېت مرة ..
ملقتش رد منه تقريبا هو دلوقتى عرف غلطته او لا معرفش ...
فتحت الباب ومشيت مسمعتش اي نداء منه طلعت ومكنتش عارفة انا رايحة فين ولا حتى انا فين بس اللى يسأل ميتوهش كان المكان اللى اخدنى فيه عمارة بعيدة شوية من بيتنا ركبت تاكسى وروحت بيتنا ..
_ لو سمحت اقف هنا دقيقة وهجبلك الفلوس .
دخلت لقيت كل حاجة زى ما هيا دخلت البيت والزينة لسه متعلقة لقيتهم قاعدين بيبكوا ماما لما شافتنى جرت عليا 
_ انتى كنتى فين يا جميلة انا خۏفت عليكى اووى ..
_ مټخافيش يا ماما انا بخير بس حد يطلع يشوف اجرة السواق دى ..
_ سواق ايه يا جميلة انا مش فاهمة حاجة
_ الراجل واقف ومستنى هفهمك بعدين ..
لقيتهم كلهم قربوا منى ومېت سؤال فوق راسى وجاوبت على كل حاجة ايوة مخبتش حاجة هى دى حاجة تتخبى كانوا عايزين يبلغوا البوليس بالموضوع بس انا رفضت حاجة زى دى لان بعدى عنه عقاپ ليه.. بعدها طلعت ارتاح من كل حاجة حصلت لى اليوم ده 
بعدها بشهر اتحدد جوازى وكتب الكتاب فى نفس اليوم مع جمال اللى عرفت من اهلى بعدها انه قلب الدنيا عليا وكان بيدور عليا فى كل مكان... ومعرفتش اى حاجة عن جاسر بعدها غير انه اتجوز واكتر من كده مفيش ...
بارك الله لكما وبارك عليكما وجمع بينكما...
_ الف مبروك يا جميلتى ..
_ آلله يبارك فيك .
_ انا اسعد انسان فى الدنيا .
ابتسمت بخجل ومردتش ...
_ هتفضلى سكته كتير كده ...
_ اقول ايه 
_ لا ولا حاجة..
روحنا بيتنا الجديد ودخلنا ..
_