قصة حماتي وزوجي كامله
انتي فعلا حلوه ولسه صغيرة وبتتعاكسي والواد كمان حليوه اوي ولسانه حلو يخربيته بقت ده هيتجوز البت العره اللي اسمها رقيه دي لااا ده انا لازم اخده في صفي
وبعد كام يوم سميرة اتصلت برقيه وقالت
اوعو متجوش بكرة يا رقيه انا هستناكم انتي وايهاب
رقيه
مش عارفه ياماما بس احتمال منعرفش نيجي
سميرة
نعم ياختي وليه بقا ان شاء الله لااا بقولك ايه انا عملت حسابي خلاص يعني لازم تيجو
هو في ايه ياماما انتي مصممة اننا نيجي عندك ليه
سميرة ارتبكت وقالت
ها ابدا هيكون ليه يعني يابنتي الحق عليا اني عايزة ابين للعريس بتاعك انك ليكي عيلة واعرفه اننا ناس كرمة
رقيه
كتر خيرك والله ياماما طول عمري بقول عليكي انك زي مامتي الله يرحمها وبعزك زيها
سميرة
امال يا رقيه هو انا ياحبيبتي ليا غيرك انتي ومنال دلوقتي
ربنا يخليكي لينا خلاص احنا هنيجي
وفعلا راحت رقيه وإيهاب عند سميرة وطول الاقعدة سميرة مشالتش عيونها من على إيهاب
رقيه
تسلم ايدك ياماما الاكل كان تحفة
سميرة
اومال يعنى معرفتش رايك يا استاذ إيهاب
إيهاب
بصراحة الاكل كان لذيذ جدا تسلم ايدك وكفاية اننا تعبناكي لحد ماحضرتيه
سميرة بدلع
رقيه اخدت بالها من تصرفات حماتها وقالت
يلا يا إيهاب نمشي عشان متاخرش
سميرة بسرعه
الله جرا ايه يا رقيه هو انتي دايما مستعجله كده ده لسه هدوق الاستاذ إيهاب الحلو بتاعي ادخلي المطبخ وهاتي اطباق الحلو
إيهاب
بصراحة انا مبقاش عندي مكان عشان اكل تاني كفايه كده يامدام سميرة
سميرة
رقيه بضيق
حاااضر
ودخلت المطبخ وايهاب قال
على فكرة ياريت بلاش تقولي لي يا استاذ دي خليها إيهاب علطول
سميرة
والله انا قولت انك فعلا كلك زوق ويابختها بيك البت رقيه دي
إيهاب بصلها باستغراب وسكت
وخلص اليوم ومشيت رقيه وايهاب قالها
والله لطيفة اوي حماتك دي يا رقيه تحسي كده انها ست مودرن ومش معقده زي ماكنتي بتحكي عنها
والله يا إيهاب انا نفسي مستغربة من تصرفاتها دي دي مكنتش كده خالص دي اتبدلت بس هي ليه بتتعامل معاك كده
إيهاب
بتتعامل ازاى يعنى الست عايزة تبينلي انها كريمة وصاحبة واجب انتي اللي مصوراها لي
