روايه للكاتبه سميرة

انا قولتلك نزلني هنا 
_ مش هينفع يطلع عليكي ناس مش كويسة !
ضحكت .. ضحكت بصوت عالي وسخرية
_ وانت بقا الناس الكويسة !!!
مبصتلهاش فضلت مركز على الطريق حسيت بيها بتعدل نفسها وبتبصلي
_ كنت في الديسكو بتعمل ايه 
فضلت ساكت اما هي كملت _ و بعدين حد يجي الديسكو ببدلة 
_ طب ما انتي ډخلتي ببيجاما ومحدش اكلم 
_ انا كنت نازلة اقفش خطيبي مع واحدة 
_ وانا كنت جاي مع صحابي اشقط واحدة
اومأت براسها اما انا حسيت اني عايز اكلم _ على فكرة دي اول مرة ليا 
_ وليا
شغلت الكاسيت مرة تانية
ولكل شمس شروق بعد الغروب ....
مدت اديها تقفله للمرة التانية
_ مقولتليش بتشتغل ايه ببدلة رجال الاعمال دي 
_ ما شاء الله الاجابة في حضڼ السؤال 
_ رجل أعمال 
_ ابنه 
_ واو .. قصة مثالية
مفهمتش جملتها و هي فهمت
_ البريئة و المنحرف 
_ انا مؤدب بعد تلاتة الفجر
_ وقبل تلاتة الفجر
_ ببقى في الديسكو مع الأخوة
ضحكت وبصت على الفون _ لسه مجاتش تلاتة 
_ حلو .. الحق اخطفك بقا 
_ مش شكلك الجو دا
وقفت العربية على جمب _ عشان البدلة 
_ عشان الدبلة
خلعت الدبلة وحطتها على التابلو _ متيجي ننزل نتمشى عالكورنيش شوية 
_ اه مهي الساعة لسه مجاتش تلاتة بقا 
_ انا ببقى مؤدب تلاتة الا تلت
نزلت من العربية ونزلت وراها حطت اديها في جيوب الجاكيت و مشيت بهدوء
خصلاتها متمردة مع هوا و عنيها بتحاول تحارب نسمات غادرة ماشية جمبي سرحانة و انا جمبها باصصلها
_ اقولك سر 
_ قول 
_ انا كنت خاطب 
_ ياه عالسر الي انت لابسه في ايدك و مفرجة للبشرية دا يااه 
_ انا مكملتش كلامي 
_ امممم 
_ كنت رايح اقفشها في الديسكو مكنتش رايح أشقط ولا حاجة 
_ ازاي 
اتنهدت ووقفت _ قولتلها متروحش عيد الميلاد عشان في صحاب ليها ولاد كتير و الديسكو مش مكان لعمايل عيد الميلاد 
_ وعرفت منين انها راحت
طلعتلها الفون و وريتها الفيديو ليها وهي بترقص _ انا مكنتش هسيب شغلي واجري وراها من فراغ يعني 
اقولك سر 
قولي 
أنا مكنتش مخطوبة
وقفت في مكاني وبصتلها بزهول _ أنا وهو خطوبة صالوناتي كدا هو كان مرتبط بالبنت الي انت شفتها هناك دي وهي بتحبه فحبت تبثتلي انه حيوان زي ما هو و انا بصراحة لقيتها حجة و روحت اقفشه 
_ واو .. مروحناش بعيد .. حكايتي بس بالمؤنث 
_ انت مبتحبهاش 
_ تؤ
سكتت فقربت خطوة _ وانتي .. بتحبيه 
_ تؤ
بصينا لبعض و ضحكنا
_ بقولك ايه 
_ ايه 
_ متجي نجوز 
_ انت عبيط مفيش حاجة تيجي كدا 
_ اهدى حبيبي كدا 
_ مش وقتك يا نانسي يا عجرم ... مش ناقصة چنان
_ انتي مؤمنة بالقدر 
_ اه
طبعا 
_ طيب ما يمكن هو مرتبلنا دا كله عشان نتقابل انتي تتخطبي لواحد متعرفيهوش و تجيلك مسدج من صاحبته عشان تشوفيه بيخونك و تسبيه في
نفس اليوم الي يجيلي مسدج