من حقي اكون اب

اني إجازة يومين 
صفيه ... وانا كمان مفيش مشكلة 
سمية ... وبعدين 
خالد ... ممكن تتطمني انا عامل حساب كل حاجة متقلقيش
سيف ... خلاص بقا خطوة و خدناها و خلصنا مش هناكل ف اليوم دا ولا ايه وبص ل صفيه ولو لاقيت مكرونة و بانية هطين عيشتك
صفيه وهي داخله المطبخ مع سمية ... انت تاكل اللي يتحط وانت ساكت 
خالد ... طيب هستاذن انا و هكون علي اتصال بيك ديما 
سيف ... ايه دا مبتحبش المكرونه و البانية انت كمان ولا ايه 
خالد .... الحجة بتعملهم تلت مرات في الأسبوع كانو دوا
سيف ... بردو اومال ايه بقا يلا يا راجل هنتغدي سوا ويبقي عيش وملح بنا 
صفية ... اتفضلو الغدا جاهز
_اتغدينا سوا وسيف كان بيحاول يضحكني ديما لكن اللي لفت انتباهي اوي النظرات اللي من خالد ل صفيه و صفيه اللي كانت شوية تبصلة وشوية تفضل باصة ف طبقها وباين أنها مكسوفة ابتسمت اوي خلصنا الغدا و خالد استاذن ومشي وانا كمان دخلت اوضتي كنت محتاجة ارتاح وافصل من كل حاجة وبعد شوية لاقيت صفيه بتصحيني وبتقولي أن سيف عايزني برة
سمية ... ايوة يا سيف صفيه قالت انك عايزني 
سيف ... طيب اقعدي الاول عشان انتي دماغك نشفة و هتتعبيني ف الكلام انا عارف 
سمية ... اديني قعدت في ايه متقلش هنزل الشغل
بقا صح 
سيف كشړ ... بت شغل ايه دلوقتي إذا كان احنا قاعدين من اشغالنا ننزلك انتي شغل بطلي عبط 
سمية كشرت .. ايه عبط دي 
سيف. ... ما علينا بصي يا ستي الشركة عندي معزومين في حفلة كبيرة اوي تبع مجموعة رجال أعمال بيعملوها سنويا يعني شكليا هما بيساعدو الشركات اللي لسه بدءة لكن فعليا هما بيعملو صفقات سوا وبيرمو لينا فتافيت بصراحة كدة الحفلة دي اتاجلت كذا مرة لىكذا سبب بس هي مهمة اوي لشركتنا
سمية ... وانا مالي 
سيف كشړ ... بت متعصبنيش سبيني اكمل
سمية .... طيب 
سيف ... المهم اننا هنروح الحفلة بكرة أن شاء الله انا كلمت خالد وهو قال هيأمن الدنيا 
سمية ... مين أننا دول 
سيف ... غبيه والله كنت واثق انك غبيه أننا دي حضرتك انا وانتي و صفيه
و هنروح يا سمية من غير اي اعتراضات ملهاش اي لازمة ف وفري بقا طاقتك دي عشان ال قلتة هيحصل
سمية ... ايه هو دا شوية عبيطة و شوية غبيه وايه اللي هنروح من غير نقاش دي لا بقا بقولك ايه 
سيف ببتسامة ... اية
سمية بتوتر ... اي دا بتبتسم ليه دلوقتي مفروض نتخانق و وكدة
سيف ضحك ... يلا يا سو قومي عشان صفيه هتخليكي تختاري فستان معاها اون لاين يلحق يجلكم هنا بكرة عشان الحفلة 
سمية ... يا سيف اسمعني انا مش عايزة اروح
سيف ... حتي لو قلتلك عشان خاطري انا دي اول مرة اطلب منك طلب هتكسفيني 
سمية دبدبت برجلها ع
الارض ودخلت الأوضة من سكات 
اختارت هي وصفيه الفساتين و صفيه كملت هي طلب اكسسوارات الفساتين ع زوقها و بالليل سيف دخلهم
سيف ... البنات الحلوين بيعملو ايه 
صفيه ... ولا حاجة بنظبط حاجات بكرة 
سيف ... طيب ع فكرة خالد جاي معانا
صفيه ... ليه 
سمية بخبث ... هيكون ليه يعني عشان يحمينا وكدة صح يا سيف
سيف باستغراب... والله انا استغربت طلبة شوية لان اول ما قلتلو قالي هنامن المكان كويس و هتكونو تحت عينينا و اني مقلقش فجأة كدة لاقيتة بيكلمني دلوقتي وبيطلب مني أنة يروح معانا وأنه يعرفني ع ناس انة من ستف العمل ال معايا احرجت اساله ليه 
سمية ... عادي عادي يمكن عايز يشوف كل حاجة بنفسه زيادة اطمئنان يعني
سيف .. يمكن .. طيب عايزين حاجة انا هدخل انام 
سمية خبطت صفيه اللي سرحانة عشان ترد ع سيف قبل ما ياخد باله من حالتها 
صفيه .. هه ايه 
سيف .. ايه انتي بقولك هنام عايزين حاجة 
صفيه بتوتر ... لا لا سلامتك احنا كمان هنام اهو
سيف ... طيب تعالي اقفلي باب الشقة كويس ورايا و تلفونات جمبكم اي حاجة غريبة تحسو بيها كلموني ع طول ماشي 
سمية ... حاضر تصبح على خير 
سيف ... وانتي من أهله يلا يا صافي
_ صفيه مشيت معاه ورجعت بعدها وهي سرحانة 
سمية ... اول مرة تحب ياقلبي واول يوم اتهني ترارارا
صفيه ضړبتها بالمخدة ... بطلي رخامة بقا انا لما بشوفو بتوتر معرفش ليه تفتكري هو جاي زيادة حمايه لينا فعلا
سمية ... لا طبعا أنا قلت كدة بس قدام اخوكي لكن أنا احساسي أنه جاي عشان في ناس وحشتة وعايز يشوفهم 
صفية ... اية دا بتغمزلي ليه انتي انا هنام يلا نامي انتي كمان 
سمية بضحك ... وفري كسوفك دا لبكرة ياختي مش ليا انا هه
صفيه ... رخمة 
سمية ... مش ملاحظة أن انتي واخوكي زودتوها اوي معايا انهاردة
صفيه ... براحتنا يلا تصبحي علي خير 
سمية ... وانتي من أهله
_ الليلة دي كان قلبي مقبوض معرفش ليه احساسي اللي مملكش غيرة كان بيقولي في حاجة هتحصل حاولت اطرد الاحساس دا من جوايا معرفتش سلمت امري لله و بعد تفكير كتير نمت 
_ تاني يوم عدي النهار بسرعه و جهزت انا وصفيه ولحد دلوقتي مش قادرة انسي نظرة سيف ليا لما شافني 
صفيه ... شكلي حلو 
سمية ... دي المرة الخامسة اللي تسألني نفس السؤال واقولك انك زي القمر 
صفيه .. انتي كمان شكلك احلي من القمر نفسة 
سمية ... اي دا انتي بتعاكسيني لا عندك 
صفيه ... اهو سيف جه اهو بزمتك مش ليا حق اعاكسها بحلاوتها دي 
سيف 
صفيه ... انت يا بني تنحت كدة ليه
ما ترد 
سيف ... ا احم ايه 
صفيه ... يختي دا انا هعيد كلامي انا هدخل اجيب
موبايلي من جوة 
سيف ببتسامة ... ايه الحلاوة دي شكلك حلو اوي 
سمية بخجل ... شكرا من زوقك 
سيف ... لا بجد يا سو شكلك حلو اوي 
سمية ... طيب خلاص قلت مرة وقلتلك شكرا 
سيف بضحك ...تعالي اضربيني قلمين احسن 
سمية ... مقدرش طبعا 
سيف لسه هيرد صفيه خرجت
صفيه ... اللايدي صفيه جهزت يلا ورايا 
سيف ... والله لولا أني متأخر كنت جبتك من قفاكي وعرفتك شغلك
سمية ... معلش انت الكبير
سيف .. عشان خاطر القمر بس
سمية ابتسمت بكسوف و نزلو كلهم لاقو خالد مستنيهم تحت وعينة اتعلقت علي صفيه لكنة نزلها بسرعه عشان سيف 
سيف .. اسف ع التاخير هما السبب 
خالد ... ولا يهمك انا يادوب لسه واصل ازيك يا سمية ازيك يا دكتورة 
سمية
... الحمد لله 
صفيه ببتسامة ... الحمد لله 
سيف ... نتحرك بعربيتي ولا عربيتك 
خالد ... لا الأفضل عربيتي 
سيف ... تمام يلا
_ ركبت انا و صفيه ورا و سيف جمب خالد و بعد وقت بسيط وصلنا ومن اول ما دخلنا القاعه وانا احساس القبضة اللي في قلبي ذاد اوي و حسيت اني مخڼوقة و عيني بقت تلف علي الناس كاني بدور علي حد
صفيه ... سمية مالك في ايه 
سمية ... مش عارفه ا انا خاېفة مش مرتاحة هنا يا صفيه عايزة امشي 
قرب سيف مننا هو و خالد بعد ما كان راح يسلم علي ناس ... في ايه مالك مالها يا صافي 
صفيه لسة هترد اتفجانا بللي جه جري ناحيتنا واللي اول ما شوفتة حسيت اني روحي انسحبت مني
سمية سمية انتي عايشه ا انتي كنتي فين اختفيتي فين ردي
_ سيف وقف قدامة منعة يمسكني 
سيف ... في ايه بالظبط 
... انت مين انت اوعي كدة من سكتي انتي كنتي فييين ردي عليااا
سمية پبكاء مسكت في دراع سيف وهمستلة ... متسبنيش ارجوك 
خالد ... لو سمحت اتكلم بهدوء الناس كلها بتبص علينا مين حضرتك 
... ظط في الناس مييين دول يابنت المنياوي هه انطقي متخرسيش دلوقتي كنتي فين 
..... بقولك ابعد من قدامي بدل ما ارتكب فيك جنايه دلوقتي وانتي حسابك معايا بعديييين قدامي يلااااا 
سيف ... ادامك ايه هي سايبة سمية مش هتتحرك من هنا غير معايا 
خالد لمح دياب واقف بعيد بيتابع بصمت قرب من سيف وقاله 
... وانت مين بقا عشان تمنعني اخدها 
دياب ركز اوي كان مهتم يسمع رد سيف لأن كان جواة شك أن سمية متجوزتش وكانت بتقوله كدة وبس عشان يبعد عنها لكن رد سيف ادام كل الناس دي كان كفيل يمحي اي شك عندة
سيف بهدوء ... جوزها انا ابقي جوزها 
.... نعم يا روح امك جوووووز مين ياض انت 
سيف ... ماتحترم نفسك بقا في ايه انت اللي مين وبتتكلم كدة ليه 
الفصل الخامس 
الحكايه الأولي
خذلني مرتين
البارت الخامس ...
دياب ركز اوي كان مهتم يسمع رد سيف لأن كان جواة شك أن سمية متجوزتش وكانت بتقوله كدة وبس عشان يبعد عنها لكن رد سيف ادام كل الناس دي كان كفيل يمحي اي شك عندة
سيف بهدوء ... جوزها انا ابقي جوزها 
.... نعم يا روح امك جوووووز مين ياض انت 
سيف ... ماتحترم نفسك بقا في ايه انت اللي مين وبتتكلم كدة ليه 
_ سكووووت في المكان كله محدش نطق الصدمة كانت مسيطرة عليا و عليهم خالد اول واحد اتكلم
خالد ... ممكن نهدي كلنا استاذ عاصم لو سمحت محتاجين نتكلم علي انفراد بدل الفضايح دي عشان لا هيا في مصلحتك ولا مصلحتنا 
عاصم 
خالد ... استاذ عاصم ارجوك الناس كلها بتتفرج علينا مينفعش كدة 
عاصم ... اتفضلو معايا
_ كنت ثابتة مكاني مش عارفه اتحرك دموعي نازله وبس لاقيت ايد سيف بتضغط علي ايدي
سيف بهمس ... مټخافيش انا مش هسيبك تعالي
_ هزيت راسي واتحركت كنت فعلا حسه ب امان لانة ماسك ايديا خالد بص ل
سيف وهمسلة ب حاجة وبعدها سيف همسلي من غير ما عاصم ياخد بالو
سيف ... خالد بياكد عليكي الاتفاق ال بنا محدش يعرفو ع الأقل لحد
ما نفهم مين دا تمام 
سمية ... حاضر
_ عاصم دخلنا قاعة تانيه اصغر و فاضية رزع الباب بعد ما دخلنا لدرجة أني انتفضت مكاني
عاصم ... أيدينا لوحدنا اهو افهمممم عشان أنا لحد
دلوقتي متحكم في اعصابي ومضمنش هفضل كدة لأمتي حد ينطق ويفهمني 
سيف ... احنا نضمن منين انك تعرفها فعلا
عاصم ... اهو انت بالذات تخرس خالص مسمعش صوتك 
سيف ... ماتحترم نفسك بقا
خالد ... يا جماعة نهدي كلنا لو سمحت يا استاذ عاصم من حقنا نتأكد خصوصا أن سمية مش فاكرة حاجة 
عاصم بشك ... مش فاكرة ازاي 
خالد ... ممكن نعرف الاول حضرتك تعرفها ازاي 
عاصم بنفاذ صبر ... ماقلت الهانم تبقي بنت عمي و مكتوب كتابنا كمان ومفروض كان جوازنا قبل ما 
خالد .. كمل قبل ما ايه 
عاصم ... قبل الحاډثة اللي عملتها واللي مفروض أنها ماټت فيها
_خالد لسه هيتكلم الباب اتفتح و دخل منو راجلين واحد كبير اوي