وصيه عشق للكاتبه إسراء ابراهيم

الشخص ده قولتلك ميفرقش معاه الفلوس بالنسباله عرضك ده اهانة ليه وانتي ما شاء الله كملتي عليه وقولتهاله في وشه انه محتاج
ريم بحزن طب والحل ياخلود انا لو مشوفتش حد يتجوزني بسرعة ماما هتنفذ كلامها وهتجوزني الواد الملزق ابن صاحبتها وكل ده عشان فلوسه وانا اۏلع بقي
خلود بتنهيدة انتي اصلا لو مامتك عرفت انك عاوزة تتجوزي واحد فقير هتعملك شاورما ومابالك بقي لو عرفت انه الامن اللي بيشتغل عند باباكي
ريم بعند ما هو ده اللي مخليني مصممة اني اتجوز شاب فقير عشان اعرفها ان انا مش بيتفرض عليا حاجة وكمان شوية اطلق بقي منه واعيش حياتي وهي وقتها مش هتقدر تمنعني بس الاقيه الشخص ده
خلود بتفكير يبقي اسمعي مني انتي تروحي تاني للشاب بتاع الامن وقوليله انك عايزة تتكلمي معاه واحكيله كل حاجة بصراحة واهم حاجة انك تحترميه وتحترمي فقره لانك لو معملتيش كدة هيرفض طلبك وده غير بقي اللي هيعمله فيكي يا روحي
ريم بحيرة طب تفتكري هيوافق لو قولتله الحقيقة 
خلود بتشجيع انتي بس خليكي صادقة وهو هيصدق
بليل كان قاعد مالك في البلكونة وفي ايده كوباية الشاي وسرحان لحد ما قطع سرحانه صوت تيسير امه
تيسير بحنان مالك يا حبيبي من ساعت ما جيت من الشغل وانت شكلك مضايق في ايه بس احكيلي 
مالك بابتسامة سلامتك يا ست الكل انا بس مشغول شوية بالمشاكل اللي عندي في الشغل وبصراحة اتخنقت وبفكر اسيب الشغل ده واشوف شغل غيره
تيسير بعقل انا معاك في اي قرار يا مالك بس تفتكر لو سبت الشغل ده وروحت اشتغلت في مكان تاني هتضمن انه يبقي كويس او ميحصلش مشاكل من نوع تاني هناك 
مالك بحيرة عارف يا ست الكل وعشان كدة مضايق انا بس اللي مضايقني ان اي حد يقلل مني عادي لمجرد اني بشتغل عندهم
تيسير بلهفة مين دول اللي يقللو منك هو كانو يطولو راجل زيك يشتغل عندهم لا يا حبيبي لو الموضوع يخص كرامتك يبقي في داهية الشغل بس متقللش من نفسك ابدا قدام حد 
مالك بابتسامة ربنا يخليكي ليا يا ست الكل متقلقيش عليا ابنك راجل وعارف هو بيعمل ايه كويس
تيسير بسعادة ربنا يخليك ليا يا حبيبي ويروق بالك ويرزقك ببنت الحلال اللي تريح قلبك
بعد يومين كان واقف مالك قدام الشركة بيتكلم مع زميله بعد ما سلمه الشيفت بتاعه وبعدين مشي مالك عشان يروح بيته زي كل يوم وكانت متابعاه ريم من بعيد وهي قاعدة في عربيتها ومتوترة تقرب منه بس جمعت شجاعتها ودورت عربيتها وقربت بسرعة من منه ووقفت قدامه فجأة 
مالك پغضب انتي اټجننتي كنتي هتخبطيني
ريم ببرود ومحصلكش حاجة اهو متبقاش اوفر اركب يلا عايزة اتكلم معاك
مالك بنفس البرود وانا مبتكلمش
مالك كان هيمشي بعد ما خلص كلامه بس ريم نزلت من عربيتها بسرعة وقربت منه
ريم بټهديد ما هو لو موافقتش نروح حتة نتكلم فيها انا هصرخ واقول انك عاكستني واخلي شكلك وحش قدام الناس ومش بعيد تاخد علقة محترمة
مالك پغضب انتي بټهدديني طب اعملي كدة وانا بقي رد فعلي هيبهرك
ريم بتفكير طب اسمعني طيب يا مالك وبعدين احكم 
مالك برفض وهو بيسيبها ويمشي لا واحسنلك تبعدي عن طريقي 
ريم اتكلمت بسرعة وحزن قبل ما مالك يبعد خلته فجأة وقف مكانه وهو مديها ضهره
ريم انا محتجالك يا مالك ماما هتجوزني ڠصب عني وبابا موافق وانا لو ڠصبوني اتجوز الشاب ده هنتحر 
مالك وهو