من حقي اكون اب

غيرة
نرمين ... احنا رايحين علي فين 
اسلام .. انا كلمت سمسار وشفلي كزا شقة مفروشة عشان كدة اصريت ع الماذؤن ناخد الشهادة المؤقتة دي عشان نعرف نمضي عقد الشقة برحتنا 
نرمين .. شقة مفروشة
اسلام بسرعه وهو بيمسك ايديها ... موقتا بس يا حبيبتي كام يوم علي ما اظبط مكان يليق بيكي 
الفصل الخامس عشر
الحكايه الثالثة
بين الواقع والخيال
وبعد ١٤ يوم من جوازي انا واسلام كنت منقطعة فيهم عن العالم كله و غرقانة في وعودة و كلامة ليا حصل اللي عمري ما توقعتة صحيت من النوم انا واسلام علي خبط جامد جدا علي باب الشقة 
اسلام بخضة ... ايه دا مين ال بيخبط كدة 
نرمين ... مش عارفه قوم نشوف مين 
اسلام ... خليكي انتي يا روحي انا هفتح 
خرج اسلام وانا حطيت الروب عليا و طلعت 
وراه لاقيته واقف قدام الباب و مصډوم قربت منة 
نرمين .. مين يا حبيبي
منة بصوت عالي ... حبك برص يا خطافة الرجاله انتي 
اسلام ... منة ميصحش كدة 
اسلام ... بس طب اهدي عشان خاطري 
منة وهي بتمثل أنها بتغيب عن الوعي ... الحقني يا اسلام ااه 
اسلام بخضه ... منة حبيبتي مالك منة فوقي والنبي متعمليش فيا كدة 
بعد ربع ساعه منة كانت مثلت انها فاقت و طلبت من اسلام الآتي
منة بصوت هادئ ... انا هنسحب من حياتك طالما بطلت تحبني يا اسلام هطلع من هنا علي بيت بابا و هستني ورقتي 
اسلام ... منة انا مش هطلقك انا مقدرش استغني عنك 
منة ... اومال تقدر تتجوز عليا مش كدة 
اسلام كشړ ... انتي اللي بعدتي عني بقت حياتك كلها للشوبنيج و صحابك وبس وانا مفيش 
منة ... تقوم بدل ما تقربني منك و تلفت نظري ل تقصيري تتجوز غيري 
اسلام .. حاولت كتير يا منة وانتي كل مرة ترجعيلي يومين و تبعدي تاني اعمل ايه طيب 
منة ... حقك عليا يا
حبيبي انا معترفه اني غلطت في حقك بس انا ڠصب عني مش هقدر اعيش وانت معايا نص وقت مش هقدر 
اسلام .. انتي قولتي ايه انتي اعتذرتي بجد ولا انا بسمع تهيؤات 
منة بدلع ... لا اعتذرت وقولت ح ق ك ع ل ي ا يا حبيبي 
اسلام ... مش هتبعدي عني تاني 
منة ... تؤ تؤ ابدا ابدا اخر مرة دا انا كنت ھموت من شوية عشان حسيت اني
خسرتك 
اسلام ... و انا مصدقك و مقدرش ابعد عنك 
منة ... يعني هطلق نرمين و نرجع بيتنا 
اسلام ... حاضر القسيمة بس تطلع عشان اتاخرت عند الماؤذن و هطلقها ع طول 
منة كشرت ... لا ترمي عليها اليمين دلوقتي ولما القسيمة تطلع تطلقها رسمي ها قلت ايه 
اسلام ... أوامرك حبيبتي 
كل دا كان بيتم قدامي وانا قاعدة معاهم وهما بيتكلمو و دموعي عماله تنزل و مفيش صوت طالع مني خالص كنت حسه أن روحي بتطلع ۏجع في كل خليه في جسمي بس الۏجع الأكبر اللي مش قادرة اتحملو كات في قلبي اسلام بعد ما قالها أوامرك أتلفت و بصلي 
اسلام ... نرمين طبعا أنا آسف ع ال حصل دا بس اكيد انتي ميرضيكش أن بيتي يتخرب و ولادي يتربو من غير اب صح 
نرمين بصوت مخڼوق .. ا انت و وعدتني 
اسلام ببرود ... ايوة انا عارف بس منة وعدتني تتغير معايا ف بكدة السبب اللي خلاني اتجوز واحدة غيرها مبقاش موجود غير انها مش قابلة وجود واحدة غيرها في حياتي انا اسف بس انا مش هخرب بيتي عشانك وبعدين انتي كنتي عارفه اني متجوز يعني مكدبتش عليكي واكيد مش هضحي بعشرة سنين عشان عشرة اسبوعين انهي منطق بيقول كدة ... انتي طالق وياريت علي بكرة تسيبي الشقة عشان هرجعها للبواب وبص ل منة ثواني هغير هدومي واجي معاكي 
منة ... اوكي بصت ل نرمين لما اسلام دخل الاوضه ... اظن عرفتي انتي لعبتي مع مين اوعي تكوني فاكرة اني من ستات اللي بتقعد تندب ولا تطلق لما جوزها يتجوز عليها انا مقعدش معاه العمر دا كلو و اخلف واربي واديلو في افكار عشان يكبر في شغله عشان تيجي انتي كدة علي الجاهز تاخديه تبقي عبيطة لو فكرتي اني هسمحلك ولا هسمح للي مشجعينك نرمين بصتلها بعدم فهم وهي كلمت أيوة اعملي عبيطة بقا أمه وابوة اللي ديما أنا مش عجباهم تلاقيهم هما اللي زنو عليه اسلام معندوش الجرئة أنه يعمل كدة لوحدة جوزي بقا و تربيه ايدي ف عرفاه كويس اوي اوي 
معرفتش ارد كنت هقول ايه حسيت أن الكلام اتمحي من دماغي حتي دموعي وقفت خرج ف الوقت دا اسلام من جوة 
اسلام .. يلا يا منة 
منة ... اوعي تنسي لو نرمين ليها حقوق ولا حاجة تديلها ولو عايز نوصلها ل بيت عمو عبد الله معنديش مشكلة
اسلام ... طول عمرك طيبة يا قلبي لا نرمين ملهاش حقوق و بيت عمي دا انا لا يمكن ادخلوا هي هتعرف تتصرف يلا بينا الولاد فين صحيح 
منة ... عند ماما تيجي نسيبهم هناك انهاردة عشان اعتذرلك بضمير 
اسلام ... ايوة اهم حاجة الضمير 
وخرجوا من الشقة وانا قاعدة مكاني مبتحركش عارفين كاني بتفرج علي فيلم سينما والله لان اكيد دا مبيحصلش غير ف الافلام صح بعد وقت انا معرفوش بس اعتقد ان عدي عليا ساعات كتير وانا مكاني لأن الليل كان بدء يدخل لاقيت تلفوني بيرن برقم عمي حسين رديت 
نرمين بصوت ضعيف ... الو
حسين بحزن ... قوليلي عنوان الشقه يا بنتي عشان اجي اخدك 
نرمين ... حضرتك عرفت 
حسين ... اه كلنا عرفنا منة اتصلت بيا و اتصلت ب ابوكي كمان بس انصحك لا تكلمية دلوقتي ولا تروحي عندة قوليلي عنوان الشقة وانا هجيلك بنفسي يا حبيبتي 
نرمين پبكاء ... لا لا انا هروح ل بابا و ادم انا هرجع لابني 
حسين ... طيب اجيلك الاول و ننزل سوا عشان خاطري اسمعي كلامي
نرمين .. حاضر العنوان ....
حسين .. مسافة السكة واكون عندك 
قفلت مع عمي وقمت دخلت الحمام و فتحت الدش و وقفت تحت المية الساقعة شوية كنت محتاجة افوق بس كنت زي اللي مخبوط جامد علي دماغة ومش متزن خرجت بعد عشر دقائق لبست الهدوم اللي دخلت بيها الشقة دي و جرس الشقة رن فتحت كان عمي حسين
حسين ...
اتاخرت عليكي 
نرمين ... لا ابدا انا يادوب جهزت و حضرتك جيت 
حسين ... طيب يلا 
نرمين ... عمي انا عايزة اروح ل بابا عايزة اشوف ادم 
حسين بتردد ... ا ادم اصل يعني 
نرمين بشك ... اصل ايه قولي ايه
حصل ابني كويس حصلة حاجة
حسين ... لا لا كويس متقلقيش بس اصل هو مش مع ابوكي 
نرمين پصدمة ... اومال مع مين ابني فين 
حسين ... ابوكي اداه ل عمرو و عمرو اختفي بيه محدش عارف خدة و راح بيه
فين 
نرمين .. يعني ايه الكلام دا هه مش فاهمه ابني فييييين يا عمي لا لا اكيد مضعش مني يارب والنبي كله الا العقاپ دا مش هستحملو يارب انا اسفة انا غلطت بس رجعلي ابني مقدرش اعيش من غيرة ابني اااااااه
الدنيا كلها في لحظة اسودت في وشي خسړت كل حاجة محستش بنفسي و وقعت من طولي معرفش غبت عن الوعي اد ايه فوقت لاقتني في مستشفي و في محلول في أيدي و عمي و مرات عمي قاعدين جمبي 
نرمين بضعف. .. انا فين ا ادم ادم
حسين ... اهدي يا حبيبتي الدكتورة قالت الانفعال غلط عليكي ضغطك كان عالي اوي لما صدقنا بدء ينزل 
اخلاص بدموع ... حقك علينا يا بنتي كنا عارفين نيتة أنه بيادب مراتة بس عمك قالي لو قولانلك مش هتصدقينا ف سكتنا حقك علينا يا حبيبتي 
نرمين ... بيادبها و انا ذنبي ايه انا عايزة ابني وبس مش عايزة حاجة تاني خلاص 
حسين ... المشكلة أن عبد الله هو اللي ادي ادم ل عمرو بنفسه ك نوع من العقاپ ليكي و عمرو لما عرف انك اتجوزتي من ورا اهلك و مسالتيش ف ادم اختفي بيه عشان مترجعيش تطالبي بيه تاني و ابوكي و امك مش قابلين كلام دلوقتي خالص 
نرمين ... معلش يا عمي وديني بس هناك مهما كان اللي هيعملو فيا هما عندهم حق بس لازم اروحلهم 
اخلاص ... طب استني يومين معانا
نرمين بتصميم ... لا معلش انا عايزة اروح ل بابا ارجوكم 
حسين ... تمام زي ما تحبي المحلول يخلص و نشوف الدكتورة هتقول ايه 
نرمين ... انا بقيت كويسه خلاص عايزة بس اروح 
اخلاص .. حاضر هنروحك و هنطلع معاها با حسين مينفعش نسبها لوحدها كدة 
حسين ... اكيد طبعا 
بعد ساعتين كنا قدام باب شقتنا كنت خاېفة لا خوف ايه انا كنت مړعوپة لا عارفه هقول ايه ولا محضرة اي كلام لأن عارفه ابويا كويس مش بيسامح ابدا عمي لما لاقاني واقفة و دموعي نازلة و مش قادرة اخبط بصلي بشفقة و رن هو جرس البيت و ثواني وكان بابا فاتح وبانت علي ملامحة الصدمة لما شافني 
عبد الله ... انتي خير جايه هنا ليه 
حسين .. طب ندخل يا عبدالله هنتكلم ع الباب كدة ميصحش
عبدالله بسخريه ... انا راجل مبفهمش في الأصول واه الكلام من ع باب كدة انا مش كلمتك يا حسين وقلتلك مش عايز اشوف خلقتها جيبها و جيلي ليه خلاص كلامي بقا زي قلتة معاك انت كمان 
حسين ... ابدا والله بس هي تعبت و لسه طالعين من المستشفي ضغطها علي جدا لولا ربنا ستر وهي أصرت تيجي تستسمحك بنفسها ورفضت تيجي عندي 
عبد الله ... تعبت ولا ټموت حتي مليش فيه البني ادمة دي ملهاش حد هنا هتيجي لوحدك 
نرمين ... بابا انا اسفة بس خليني ادخل ونتكلم طب فين ادم ابني فين 
عبدالله ... ابنك لسه فاكرة ابنك اللي بقالك اسبوعين متعرفيش عنة حاجة ولا حتي سمعتي صوتة انتي ام انتي .... صحيح مش كل اللي خلفت يتقال عليها الكلمة دي ... معرفش ابنك فين روحي دوري عليه عمة خدة و اختفوا هما الاتنين 
نرمين پبكاء ... طب دخلني اشوف ماما 
عبدالله ... حالف طالق عليها لا تشوفك ولا تكلمك وهي وافقت يلا غوري بقا 
عمي شدني من ايدي و انا مشيت معاه ساكتة دموعي نازلة و دماغي حتي مش قادرة تفكر مش قادرة استوعب في كام ساعه دول الي حصلي دا كله .... انا ازاي عملت في نفسي كدة ازاي هان عليا ابني اعمل فيه كدة ياتري هو فين فاكرني ولا قالوله اني مۏت .... ياريت اموت بجد يمكن اريح و ارتاح 
من اني