من حقي اكون اب

اواجة أو افكر أو اتصرف حتي وفضلت يومين اصحي اكل لقمتين بالڠصب وانام تاني لا سألتهم ع اي حاجة ولا كنت سامعه اي حاجة من اللي هما بيقولوها كنت منعزلة عن العالم كلة جوابا فاضي عبارة عن فراغ لا بحس ولا بفكر ولا بعمل اي حاجة غير انام وبس وبعد اليومين دول نيرة أصرت عليا أخرج من البيت و بدات تمشيني كل يوم شوية من غير اي كلام وبعد اسبوع كمان كنت بدأت افوق من كل اللي حصلي لاقيتها جيبالي عنوانك و قالتلي انها حجزتلي هنا و اديني جيت اهو هي دي حكايتي
رايكم ايه و انهي حكايه اثرت فيكم اكتر و طبعا لسه كل واحدة هترجع تحاول تظبط حياتها شايفين صداقتهم حاجة ناجحة ولا لا 
الفصل السادس عشر المواجهه
نرمين خلصت كلام و اڼهارت في العياط و البنات حاولو يواسوها بعد عشر دقائق كانت هديت شوية وبدأت انا كلام 
مني ... كدة كل واحدة حكت هي هنا ليه ... وجة دوري انا اتكلم ... مشكلتك يا سمية تتخلص في انك مشغولة بانك تفتكري الماضي و مش مركزة
في الحاضر عارفه أن احساس صعب انك مش فاكرة بس من اللي انتي حكتيه و الصداع اللي اوقات كتير بيجيلك و هلوستك باسم عاصم كزا مرة دا دليل علي أن مساله رجوع الذاكرة ليكي مجرد مساله وقت مش اكتر ف المفروض انك تركزي في المشكلة اللي موجودة في الحاضر يعني مثلا هتفضلي مختفيه لحد ما يقبضو علي دياب طب فرضا خالد اتصل دلوقتي وقالك أنهم خلاص قبضو عليه هتعملي ايه 
سمية ... مش عارفه قوليلي طيب اعمل ايه 
مني ... لا انا دوري هنا مش اني اقول لاي واحدة فيكم تعمل ايه ... انتم كلكم مرتيم بخذلان من اقرب ناس ليكم باختلاف ظروفكم ... هل حياتنا مفروض تقف علي كدة هل يا سمية سيف و احساسك ناحيته مفروض أنه انتهي بانتهاء القضيه تقدري تبعدي عنة هو و صفيه عشان تعرفي ماضي واضح أنه كان مؤلم ليكي شايفة أن دا انسب ليكي كل دي تساؤلات لازم تجاوبي عليها بنفسك لازم تعرفي انتي ك سمية عايزة ايه فرضا اتفكرتي و اللي واضح من كل اللي حواليكي انك مكنتش مبسوطة و أن حياتك كان فيها عڈاب كتير هتكلمي ازاي هتعيشي دور الضحېة لاخر العمر وانك مڠصوبة ومفيش حاجة في ايديك تعمليها 
سمية ... ما دي حقيقه في ايه في أيدي اعمله 
مني بقوة ... لا دا اسمة جبن و استسلام مفيش حد ضحيه العمر كله ڠصب عنه في ناس بتستلم للدور دا و ټغرق فيه وناس بتعافر وتقاوم لاخر نفس فيها انتي اللي في ايديك تقرري تبقي انهي فيهم اللي بتعافر ولا اللي بټغرق اللي هترجع ل عاصم و عذابة و سجنة ولا اللي هتحارب عشان تفضل مع حبيبها امانها و سندها انتي تقدري ترسمي حياتك زي ما انتي عايزة بس لو انتي عايزة فهماني 
سمية ... اه فهماكي 
مني ... نيجي بقا ل ميرنا طول ما انتي بتحكي حكايتك وانا معجبة جدا باصرارك و قوتك وقراراتك لحد ما بداتي تتشتي و تخافي طول ما كنتي مقويه نفسك ومش خاېفة كنتي ماشية صح جدا الخۏف اول ما دخل قلبك الدنيا اتلخبطت ميرنا انتي متخطية شعور الخذلان علي فكرة مش هو مشكلتك 
ميرنا .. اومال ايه مشكلتي 
مني ... انك خاېفة تتخذلي تاني من حمزة شايفة انك قدرتي تقفي علي رجلك و تعدي بعد ما خالد خذلك و اتخلي عنكم و لاقي بديل وعاش حياتة خاېفة تمشي ورا قلبك و تكملي مع حمزة يخذلك هو كمان شايفة أن ابو سليم خذلة اومال الغريب ممكن يعمل ايه صح كلامي 
ميرنا هزت دماغها و عينيها كلها دموع 
مني ... سيبي دموعك تنزل الدموع مش ضعف ابدا بطلي تكتمي كدة جواكي ... انتي ام قوية جدا و كتير غيرك لو في مكانك مكنوش وصلو ل ربع اللي وصلتيلو انتي من النماذج اللي بقول ل سمية عليها بتعافر و ربنا ديما بيديكي علي قد معافرتك الكبت عمرة ما كان حل ولا الخۏف ل تجربه فاشلة تتكرر تاني ف ابعد كان حل ... حمزة مش خالد يا ميرنا و مع ذلك من حقك تطمني لأن انتي مش في الحكايه لوحدك بس في حاجات كتير ممكن تطمنك ... فترة خطوبة مثلا ... تاجيل لحد ما تخدي قرار بدون إعطاء وقت محدد ل حمزة ... حطي حمزة في موقف واتنين و عشرة مع سليم و شوفي هيتصرف ازاي ... لكن تكوني بتحبي شخص و الشخص بيحبك انتي وابنك و محاجتكم زي ما انتم محتاجينه و تهربي مش حل ومش ميرنا اللي تهرب ... بالنسبه
ل خالد اللي قولتيهولو في التليفون هو اللي تعمليه هتتصلي بالدكتور و تشرحيلو الوضع كله و شوفي رأيه ايه و نفذيه ... مصلحة ابنك اهم من أي اعتبارات تانيه ... انتي اكتر واحدة مش محتاجة تفكر كتير لان الطريق واضح قدامها بعكسهم هما 
ميرنا ببتسامة... بس انا حسة اني بقيت احسن لما طلعت كل اللي جوايا 
مني ... دا لانك ديما بتكتمي جواكي ومتخيلة أن دموعك هتضعفك في وقت مينفعش فيه الضعف و دا غلط جدا يعني انا مثلا في كل اللي حكتيه حسيتك مفتقدة عنصر مهم جدا 
ميرنا ... عنصر ايه 
مني ... الصداقة يا ميرنا مفتقدة حد زي صفيه في حياة سمية و نيرة اللي تبان بعيدة لكن وقت الجد كانت جمب نرمين اه والدتك ربنا يديها الصحة و طوله العمر جمبك بس الصحاب يا ميرنا حاجة تانيه انا حسيت من كلامك أن علاقتك كويسة ب أخصائية سليم ليه متقويش العلاقه دي مثلا و هند كمان ليه متبقاش من عمة سليم بس لىصديقة ل ميرنا الاصدقاء احنا اللي بنختارهم يا ميرنا بكامل إرادتنا عشان يهونو علينا التعب و الۏجع اللي بنشوفو عشان نكون ضعاف قدامهم من غير خوف
أو كسوف عشان نسمع منهم اللي مش قادرين نقولو لروحنا انتي محتاجة دا في حياتك اصدقائنا دول اختيارنا مش مجبرين عليهم فهماني 
ميرنا هزت دماغها ... تمام فهماكي 
مني ... نرمين
للاسف انتي خذلتي فعلا اقرب الناس ليكي واتخذلتي من انسان اناني وكداب بس احنا هنا عشان نتخطي دا 
نرمين بصوت مخڼوق ... اتخطاة ازاي انا حسه اني خلاص ادمرت 
مني ... مفيش حاجة اسمها خلاص في حاجة اسمها اكيد ابني محتاجني انتي ليه ضعيفة كدة باباكي رافضك حاليا هيلين مع الوقت مفيش اب و ام بيزعلو العمر كله من عيالهم ... ابنك انتي دورتي عليه روحتي سالتي بنفسك في الفيلا و المكان اللي عمرو بيشتغل فيه اتاكدتي أنه سافر عملتي ايه غير انك اڼهارتي وبس اتخليتي كدة مرتين عن ابنك مرة عشان انسان ندل و خسيس ومرة تانيه عشان حضرتك شايفة انك محطمة ومفيش حاجة ف ايديكي تعمليها ... نرمين انتي لازم تبقي أقوي من كدة لازم تفوقي وتقفي تاني علي رجلك عشان خاطر تبدئي رحله بحثك عن ابنك و عن نفسك كمان اللي ضاعت بين كرامة والدك و حب طلع وهم 
ميرنا ... ممكن اقول حاجة 
مني ببتسامة ... اكيد طبعا 
ميرنا ... بما ان انا مفتقدة الصحبه بس قوية وانتي محتاجة تكوني أقوي ممكن تقبلي نبقي صحاب 
نرمين ... بجد انا اللي مفروض اطلب منك كدة بس كنت مكسوفة ترفضي 
سمية كشرت ... ايه دا وأنا هوا قاعد ولا ايه يا ميرنا 
ميرنا بحرج ... لا مش قصدي بس انتي في حياتك صفيه ف معرفش محتاجة اصدقاء تاني ولا لا بعكسي انا و نرمين 
سمية ... لا ياختي محتاجة ايش عرفك انتي وبعدين اصلا احنا الثلاثة بقينا صحاب ڠصب عننا كل واحدة فينا قالت قدامنا اللي مقلتوش لاي حد في حياتها واظن دي بدايه قوية لىصداقة متينه ولا ايه يا دكتور 
مني ... انتم الثلاثة بس يا ست سمية وانا اللي هوا بقا مش كدة 
سمية بمرح ... انتي الخير والبركة يا دكتورتنا يا نورتنا انتي 
نرمين ... يعني انتم دلوقتي بقيتم صحابي صح كدة 
مني ... اكيد يا نرمين 
نرمين ... طب انا حسه اني تايهه عارفه انك قولتي ل سمية أن مش دورك تقولي ل كل واحد يعمل ايه بس انا فعلا تايهه انا عمري ما اتصرفت لوحدي ديما بيكون حد محددلي انا هعمل ايه ف مش عارفه دلوقتي مين مفروض يقولي اعمل ايه فاهمين حاجة ولا انا بهبل و خلاص 
مني ... حبيبتي انتي لازم تبني نرمين جديدة ب حياة جديدة خالص انسي انك كنتي ديما بتنفذي قراراتك غيرك 
نرمين ... بس انا يوم ما قررت لوحدي اخترت غلط و بوظت حياتي 
مني ... ما احنا هناخد من نرمين القديمة حاجات و نضيف عليها نرمين جديدة قوية محدش يضحك عليها ولا يستغلها ابدا نرمين محددة هي عايزة ايه نرمين عندها حدود وعارفه
الصح من الغلط 
ميرنا ... واول حاجة للحياة الجديدة دي ثلاث خطوات اولا محاولات يومية مع أهلك ثانيا تدوير علي ادم في كل مكان ثالثا تشتغلي لازم يبقالك كيان وحياة مستقلة هتفرق معاكي كتير اوي صدقيني 
نرمين .. انا اشتغل ! لا لا لا دا انا مبوظة حياتي هشتغل ايه انا لا لا مش هعرف 
سمية ... ما بلاش نغمة بوظت حياتي ډمرت مستقبلي دي متقليهاش تاني انا كمان عايزة اشتغل ع فكرة مش حبه قعدتي كدة هطق 
مني ... طب كل واحدة فيكم تقول هي شاطرة في ايه او بتحب تعمل ايه ونحاول نوصل ل حلول في موضوع الشغل دا 
نرمين ... انا شاطرة في حاجة عبيطة كدة مظنش هتنفع 
مني ... قولي واحنا نحدد هي عبيطة ولا لا 
نرمين ... انا بحب اغير شكل اي حاجة قديمة و شكلها مبقاش حلو واي حد يشوفها بعد كدة ميصدقش أن دي هي اللي كانت قبل ما اغيرها
ميرنا ... ادينا مثال كدة نفهم اكتر 
نرمين ... يعني مثلا نيرة اول ما ولدت كانت بترضع صناعي و بتجيب علب كتير جدا لبن بالشهر و في مرة وانا بزروها خدت منها تلاتة و جبت بوضيا و دهنتهم لون ابيض كلهم و جبت ورق قص و لزق شكل قلوب و حطيت علي العلب و كتبت في النص ب قلم اسود فلوستر ثابت مش بيروح ع العلب دي شاي قهوة سكر كان شكلهم يجنن زي الطقم اللي الناس بتشتريه من برة بمبلغ وقدرة 
ميرنا ... واو موهوبة