من حقي اكون اب
يعني وفنانة كمان
مني ... وانتي يا سمية
سمية ... الطبخ انا شيف صغنن كدة في نفسي
مني ... و ميرنا
ميرنا ... ما انا بشتغل محاسبة
مني ... يعني مفيش حاجة تانيه غير المحاسبة بتحبي تعمليها
ميرنا ... لا انا بحب الحسابات جدا وبصراحة نادرا لما مكان يوافق أن حد يشتغل معاه من البيت عشان كدة انا مرتاحة جدا في شغلي
طيب ايه هشتغل ايه كدة مفهمتش
مني ... محدش عندة افكار
كلهم بصو لبعض ورجعو بصولها و هزو دماغهم ب لا
مني ... بصراحة أنا في دماغي كزا فكرة ومنهم فكرة ممكن تجمعكم انتم التلاتة في شغل واحد
التلاتة
ميرنا ... بجد ياريت ينفع
سمية ... قولي ايه هي
نرمين ... ايوة قولي يلا
مني ... ادوني فرصة طيب .. بصو انتم ممكن تعملوا شغل اون لاين حلو اوي صفحة ع مواقع السوشيال ميديا سمية تطبخ و نرمين تغلف و تسوق و ميرنا تمسك الميزانيه و ك دعايه بردو ممكن نرمين تعمل فيديوهات علي الصفحة بالحاجات اللي بتعرف تعملها زي فكرة العلب كدة دا هيعلي الزيارات ع الصفحة ها اية رايكم
سمية ... وانا كمان بس من غير ما أظهر صراحة عشان ظروفي
ميرنا .. وانا معنديش مشكلة فكرة حلوة اوي و عندي اقتراح كمان
مني ... قولي
ميرنا ... الشقة اللي قصادي فضيت و صاحب البيت عرضها للايجار ما تيجي فيها يا سمية و نبقي جمب بعض
نرمين ... وانا كمان هيجي معاها
نرمين ... مؤقتا بس ع ما قلبهم يلين من ناحيتي اكون معاهم و بابا يعرف أن بدأت اعتمد علي نفسي بجد
سمية ... تمام هكلم خالد اقولو الاول وارد عليكم
ميرنا كشرت ... اكيد هيكون رخم ويرفض
سمية ... اشمعني
ميرنا ... مش اسمة خالد يا بنتي اكيد رخم معروفة
وعدي الوقت واتحولت الجلسة من شعور بخذلان ل بداية لحياة جديدة حياة كلها تفاؤل بأن اللي جاي احلي باذن الله
بعد ما كل واحدة قالت اللي جواها عيطو و ضحكو خططو لبكرة خرجو و هما حسين أنهم أقوي
سمية رجعت المكان اللي خالد مقعدها فيه و اتصلت بيه و حكتلة باختصار ع اللي حصل ف الجلسه و اقتراح ميرنا ليها وهو طلب منها مهله يتأكد منهم و من المكان اللي هتروح تقعد فيه و يرجع يكلمها تاني ... قفلت معاه و كان نفسها تتصل تسمع صوت سيف لكنها اتحرجت و اتصلت ع صفيه
صفيه ... انتي كمان وحشتيني ايه اخبار الجلسه
سمية ... ما
انا متصلة احكيلك اللي حصل
صفية ... كلي اذان صاغية احكي يلا
سمية حكت ل صفيه زي ما قالت ل خالد
صفيه ... والله لو خالد قالك أنهم كويسين و أمان تبقي فكرة حلوة اوي ع الأقل متبقيش لوحدك ونكون مطمنين عليكي
سمية ... انا حسه أنهم كويسين اوي والله و مبسوطة اوي بالجلسه دي
سيف ... اخلص مكالمة بس و اروقك حاضر ... الو
سمية ... ازيك يا سيف
سيف ... ع اساس انك بتسالي اوي ولا انا مهم عندك من اصلة
سمية ... ليه بتقول كدة
سيف ... من أفعالك اتصلتي حكيتي ل خالد و اتصلتي بىصفيه وأنا مش مهم اعرف ولا اطمن عليكي مش كدة
سمية ... لا طبعا مش كدة انا اتصلت ب خالد عشان عارفه أنه هياخد وقت ع ما يتأكد من كلامهم و معلومات ال قولها عشان يامن المكان ال هتنقل فيه و حاليا كنت هخلص مع صفيه و اكلمك
سيف ... يعني اخر واحد رأيه يهمك
سمية .. انت عايز تتخانق ولا ايه لا طبعا انت لو هما الاتنين قالولي تمام وانت قلت لا هسمع كلامك انت
سيف ابتسم ... بجد ولا عشان لاقيتيني زعلان
سمية .. لا والله بجد رايك مهم اوي عندي يا سيف
سيف بحب ... و انا مش عايز غير انك تكوني في امان وبس يا سو وفي نفس الوقت بعدك دا تعبني اوي انتي وحشتيني اوي يا سمية
سمية
سيف ... سمية انتي معايا سمية ... الو
سمية بتوتر .. هه اه اه انا اهو
سيف ... عارف انك اتفجاتي بس سكوتك دا كسوف من المفاجأة ولا اضايقتي
سمية بخجل ... لا مضايقتش
سيف ابتسم ... امممم يبقي كسوف طيب هقدر كسوفك دا بس دا ميمنعش اني اقولك تاني وحشتني يا سمية
خرجت صفيه ... مش خلاص ولا ايه ورايا مستشفى وعيانين و نبطشية سودا ع دماغي
سيف .. عايزة ايه يا آخرة صبري يا فصيلة
صفية ... عايزة التليفون حضرتك دا اللي في ايديك و عمال تتكلم فيه بعد اذنك يعني
سيف ... سمية هكلمك من تلفوني نكمل كلامنا باي قفل قبل حتي ما يسمع ردها خدي اهو تلفونك و غوري يلا
صفيه ... حبيبي تسلم اكيد اول ما اوصل هطمنك عليا حاضر
سيف ضحك ... يلا يا مچنونة مچنونة بتعالج مجانين ازاي معرفش
صفيه نزلت و هو مسك تلفونة و اتصل ع سمية وبعد تالت جرس ردت
سيف ... ايه كنتي بتفكري مترديش
سمية ... يعني
سيف ... طب كنتي اعمليها و كنتي شوفي اللي هعمله
سمية ... هتعمل ايه يعني
سيف ... مسافة الطريق وكنت هكون عندك وخلي ف بالك
اي وقت هكلمك ومش هتردي هكون قدامك ف دقائق
سمية ... لا وع ايه قلبك ابيض هرد ع طول حاضر
سيف ... قوليلي بقا تفاصيل فكرة الشغل اللي انتم التلاتة هتشتركم فيها
بدأت سمية تحكيلة بحماس وهو يسمعها و متخيل شكلها وهي متحمسة كدة وبتحكي وقلبه مع كل كلمة بيدق جامد ونفسه بس يقاطعها ويقولها بحبك بس خاېف يكون بيتسرع دلوقتي خاېف من بكرة و دا ال ملجمة و مخليه بيسمع و ساكت
________________
عند ميرنا رجعت البيت وهي حسه انها احسن و اول ما اطمنت علي حنان و سليم دخلت اوضتها و فتحت تلفون اتصلت ع حمزة اللي رد من اول جرس
حمزة بلهفه ... الو ميرنا
ميرنا بهدوء ... ازيك يا حمزة
حمزة ... انتي مختفيه ليه لا بتيجي النادي ولا بتردي ع مكالماتي و رسايلي قلقتيني عليكي
ميرنا ... كنت محتاجة افصل عن كل حاجة و افكر واقرر
حمزة
پخوف ... و قررتي
ميرنا ... اها قررت
حمزة ... ايه طيب انا اعصابي باظت قولي قررتي ايه
ميرنا ... قررت اديك فرصه تثبتلي فيها يا حمزة اني مش هتخذل تاني ولا انا ولا ابني بس هي فرصه واحدة يا حمزة مفيش غيرها أنا ابني اولا وهيفضل طول عمري كدة ومصلحتة عندي اهم من أي حد
حمزة بفرحة ... و انا موافق و أن شاء الله هتتاكدي اني عمري ما هخذلكم انا حبيت سليم و دخل قلبي
قبل ما احبك و حبك كبر جوايا بسبب سليم اصلا انتم هتبقو عيلتي اللي اتحرمت عمري كله منها صدقيني انا اسعد انسان في الدنيا دلوقتي بالفرصة دي اوعدك مش هخذلك ابدا ابدا
ميرنا ... و انا مصدقاك بس ڠصب عني لازم اتاكد عشان كدة هطلب منك طلب اتمني توافق عليه
حمزة ... طلب ايه
ميرنا ... عارفه أننا كبار ويمكن تبان خطوة غريبة للناس بس انا حبة نتخطب رسمي فترة من غير اي مواعيد انا اتاكد فيها من مشاعري ومن انك هتكون اب مناسب ل سليم وانت كمان تتأكد فيها من قرارك بانك ترتبط ب واحدة بظروفي
حمزة پغضب خفيف .. نعم ايه واحدة بظروفك
ميرنا ... مش هنجمل الواقع يا حمزة انت شاب متجوزتش قبل كدة وانا مطلقة و معايا طفل له ظروف خاصة
حمزة بعصبيه ... ولما بتعصب عليكي بتزعلي صح ميرنا مش مسمحلك تتكلمي بالطريقة دي عن نفسك أو عن سليم انتي اي حد عاقل ف الدنيا يتشرف أنه يرتبط بيكي تمام مسمعش ظروفي دي تاني خالص لو سمحتي
ميرنا ابتسمت ... انت ع طول عصبي كدة
حمزة خد نفس طويل ... للاسف دي من عيوبي اللي ياريت تتحمليها
ميرنا ... مممم وايه يا تري في عيوب تانيه ولا ايه النظام احب اطمن يعني
حمزة ... مش وقتة العيوب دلوقتي هتكلمي ماماتك امتي عشان اجي واطلب ايديك بقا و تبقي خطيبتي رسمي
ميرنا ... بكرة أن شاء الله هتكلم معاها وارد عليك
حمزة ... تمام و موضوع خالد ينفع أسألك قررتي فيه ايه
ميرنا .. اها ينفع تسالني ... عموما قررت اسال دكتور ياسر و اشرحلو الوضع كله و هشوف هيقولي ايه
حمزة كشړ ... وهو ماله دكتور ياسر دا حاجة شخصية
ميرنا ... لا طبعا هو هيكون ادري دا انسب ل سليم ولا لا
حمزة ... هتكلميه ف الفون يعني
ميرنا ... لا اتصلت حجزت عندة هروح بعد بكرة أن شاء الله لازم مقابلة فون مينفعش
حمزة ... طيب ينفع اجي معاكي و هستناكي ف العربيه ممكن
ميرنا ... نشوف بس موضوع ماما بكرة وبعدها نشوف موضوع الدكتور تمام
وفضلو يرغو سوا و اكتشفت ميرنا اد ايه حمزة كان واحشها و نسيت كل خۏفها وهي بتضحك من قلبها ع غيرتة و عصبيتو اللي بقت تعشقهم
____________
عند نرمين
روحت و حكت ل عمها و مراتة اللي حصل وهما كانو فرحانين من الحماس اللي كانت بتتكلم بيه و عمها وعدها أنه هيكون معاها خطوة ب خطوة و اتفقو أن من بكرة هيدورو سوا ع عمرو في كل مكان و هيروح معاها مرة و عشرة عند عبد الله لحد ما يسامحها وهي كانت لاول مرة من فترة كبيرة تحس انها قوية و أن اللي هتبدء فيه من تاني يوم هو الصح
و مع شروق شمس يوم جديد خرجت نرمين من اوضتها لاقت مرات عمها بتحضر الفطار
نرمين .. صباح الخير
اخلاص ... صباح النور يا حبيبتي نمتي كويس
نرمين ... اه الحمد لله بقالي كتير اوي منمتش كدة
حسين من وراها ... طب الحمد لله يا حبيبتي صباح الخير يا نيرو
نرمين ببتسامة ... صباح الفل يا عمو
اخلاص .. يلا افطرو بقا عشان تشوفو وراكو ايه
نرمين ... هنبدء بأية يا عمي
حسين ... هنبدء بالفيلا و بعدين المعرض و نختم ب ابوكي
اخلاص .. أن شاء الله خير و ترجعو مجبورين الخاطر يارب
نرمين ... اللهم امين يارب ادعيلي كتير ربنا يطمن قلبي ع
ادم واشوفو بقا
حسين ... أن شاء الله يا حبيبتي يلا بينا
نرمين ... يلا
واتحركو علي الفيلا لكن لاقوها مقفولة و الحارس رفض يقول اكتر من أنه ميعرفش اي حاجة و طلعو ع المعرض بس المرة دي مدخلوش وقفو بعيد يشوفو ايه هيحصل
وبعد انتظار نص ساعه لاقو عمرو داخل المعرض بس كان
