قصة رائعة كامله
ليه لما مقولتش اسمك
مريم لقيت حد واقف قدامها پصدمه _ ملك!
ملك بصيت ليها بحزن وكانت هتخرج مريم مسكتها _ هقولك والله كل حاجه .
ملك بعصبيه وصوت مسموع _ هتقوليلي ايه انا سايباك تنزلى اسبوع ابص الاقيكى متجوزه انت ازاى تعملى كده وليه!
يوسف اتكلم _ مين دى وبتتكلمى كده ليه
ملك بصتله بعدم اهتمام _ انا صاحبتها صاحبه عمرها
مريم قعدت وقعدت ملك واتكلمت بجديه _ ممكن تهدي وتسمعينى
ملك _ قولي
مريم _ انا بنفذ وصيه جدى يا ملك
ملك بعدم فهم _ جدك!
مريم بحزن _ ايوا جدى قبل ما ېموت قالى لازم اصالح بابا وانا لما نزلت صاحب عمره طلبنى لابنه انا في الاول مكنتش موافقه بس هو قعد معايا وفضل يقولى إن بابا محتاج فلوس علشان مشروعه واقف على الفلوس دى وإن بابا مش هيوافق ياخد من ولا مليم فعرضهم مهر ليا
مريم قامت وقفت بنفس الجمود _ ملك انا بنفذ دا كله لأجل جدى ميهمنيش اى حاجه تخص اللى المفروض بابا بس دا واجبي وبعمله علشان جدى يبقي راضي عنى وبس
ملك قامت حضنتها وبدموع _ انا جنبك ولو احتجتينى في اى وقت هفضل جنبك انت مش مضطره تضحي
خرجنا تانى انا وملك وكان يوسف واقف مع عمو على لحد ما المأذون كان هيبدأ كتب الكتاب
ملك _ مريم هقولك تانى بالله عليكى بلاش تتجوزى بالطريقه المفاجئه دى انت اللى هتخسري
مريم ابتسمت علشان تطمن ملك _ ملك انت شايفانى هتجوز وحش دا شخص عادى وباين عليه كويس صدقينى انا عاوزه كده وكلها فتره وهتعدى ولو مرتحتش هتطلق
المأذون خلص وخرجنا انا ويوسف من مكان الفرح روحنا شقته كل تفكيري في الوقت دا كان متركز في إن الشخص اللى المفروض بعمل دا كله علشان مجاش حتى حضر فرحى
يوسف _ مريم انا عارف إننا منعرفش بعض وكل دا مترتب وكان أمر واقع
مريم قاطعته _ متقلقش انا سمعتك انت وعمرو في اخر الفرح لما اتكلمتوا عن هاجر إللى بتحبها في فرنسا
يوسف بابتسامه _ بجد احنا ممكن نبقي صحاب جدا
عدى كام يوم والنهارده المفروض هنسافر بالليل الفجر أذن واول مره مسمعش صوت يوسف برا دخلت لقيته مازال نايم والنور مطفي
يوسف فتح عينه لقي النور مطفي ومفيش غير عيون ظاهره قدامه _ عااااا سلام قول من رب رحيم
مريم جريت فتحت النور _ ايه في ايه انت كويس
يوسف شال الغطا واتنهد براحه _ يستى دى طريقه تصحي بيها حد
مريم بهدوء _ مش قصدى بجد بس انت مصحتش للفجر
يوسف استغرب شويه _ وانت عرفت منين انى مصحتش
مريم _ علشان كل يوم بشوفك وانت داخل الاوضه بعد ما بتتوضي
يوسف _ وانت ايه اللى بيصحيكى الوقت دا
مريم _ انت ذكي اوى يا ابنى اكيد ببقي بصلي
يوسف ضحك _ اااه اصل انت مش متربيه هنا بقي واجانب وكده ففكرت يعنى
مريم ضحكت _ لا متفكرش انا جدى مصري والحمد لله كان ملتزم وبيعلمنى كل حاجه ربنا يرحمه يارب وينور قپره
يوسف ابتسم _ اللهم امين طيب انا هقوم اصلي وهرجع انام وانت كمان علشان هنصحي نروح بيتنا عند بابا قبل ما نسافر وكمان انت لحد دلوقتى مشوفتيش اهلى كويس
مريم _ ايوا تمام أنا صليت تصبح على خير
صحينا تانى يوم وروحنا عند أهله فطرنا هناك كمان
على _ ايه يا مريم حبيتى ماما هدى ولا ايه
مريم _ اكيد طنط تتحب جدا وعيلتكم حلوه اوى ربنا يخليكم لبعض يارب
علا بسماجه _ بلا جو التثبيت دا اتعاملى معانا عادى
يوسف بجديه _ علا
علا _ هتزعقولي بقي علشانها يلا انا شبعت بعد اذنكم
على _ معلش يا مريم هي علا بس مش متعوده عليكى
مريم بهدوء _ لا مفيش حاجه طبعا
فضلنا نتكلم شويه وبصراحه هم ناس طيبه اوى وحسيت انى مبسوطه معاهم رغم انى من اكتر من شهر وانا بحزن بس على جدو وبعدين جه وقت أننا نمشي علشان الطياره كلهم سلموا علينا وخرجنا انا ويوسف علشان نروح المطار
في ناحيه تانيه كانت هدى بتتكلم مع علي وساره اخت يوسف الكبيره
ساره _ بس يابابا عيب اوى عمو احمد ميجيش الفرح وكمان ميسلمش علي مريم دلوقتى وخاصه أنهم هيطلوا هناك
على ساره انا مش عارف بجد هو بيعمل كده ليه نفسي أفهمه
.. في المطار
